lock search attention facebook home linkedin twittter

Ekki taka gömlum sannleik sem gefnum. Það þarf kjark til að líta hlutina nýjum augum og fá á þá ferska sýn.

Stjórnendaleit (e. Headhunting)

Við ráðningu í lykilstöður getur þurft að nota óhefðbundnar aðferðir við að finna rétta fólkið í stöðurnar. Capacent hefur um árabil verið leiðandi í leit (e. Headhunting) að einstaklingum í lykil stjórnunar- og sérfræðistöður.

Capacent hefur mikla reynslu af leit og ráðningum í sérhæfð sérfræði- og stjórnunarstörf auk leitar að fólki í stjórnir fyrirtækja. Þessi þjónusta er sniðin að þörfum viðskiptavinarins og má segja að engin tvö tilfelli séu eins.

Reynsla, þekking og tengsl sérfræðinga Capacent á markaðnum gerir fyrirtækjum kleift að finna rétta aðilann í mikilvæga stöðu í fyrirtækinu án þess að auglýsa starfið.

Ráðgjafar Capacent hafa yfir að ráða víðtæku tengslaneti , góðri þekkingu á atvinnulífinu auk aðgangs að gagnagrunni sem telur þúsundir einstaklinga. Að nýta sér stjórnenda- og sérfræðingaleit Capacent getur sparað fyrirtækjum mikinn tíma auk þess sem fyrirtæki fá aðgang að þekkingu sem er vandfundin annar staðar.

Í kjölfar leitar er í boði aðstoð við mat á hæfni og val á milli þeirra sem til greina koma en þar getur verið um að ræða samanburð milli einstaklinga innan og utan vinnustaðar.

Einnig er veitt þjónusta við leit að stjórnarmönnum, út frá skilyrðum um hæfni, reynslu og fjölbreytileika hópsins.