lock search attention facebook home linkedin twittter

Ekki taka gömlum sannleik sem gefnum. Það þarf kjark til að líta hlutina nýjum augum og fá á þá ferska sýn.

Matreiðslumaður

Sveitarfélagið Ölfus óskar eftir að ráða matreiðslumann til starfa.

Viðkomandi mun bera ábyrgð á matseld fyrir nemendur og starfsmenn leik- og grunnskóla í Þorlákshöfn.

Rekstur skólaeldhúss er samstarfsverkefni með Leikskólanum Bergheimum og Grunnskólanum í Þorlákshöfn. Verkefnin eru fjölbreytt en auk þess að matreiða hádegismat hefur matreiðslumaður umsjón með morgun- og síðdegiskaffi.

Gert er ráð fyrir að viðkomandi getið hafið störf 1. ágúst eða að hausti 2018. Vinnutími er að jafnaði frá kl. 07-15 alla virka daga.

Starfssvið

  • Ábyrgð á rekstri mötuneytis
  • Ábyrgð á innkaupum og birgðahaldi
  • Ábyrgð á vinnuskipulagi þeirra sem starfa í mötuneyti á hverjum tíma

Umsókn

  • 1 Opið fyrir umsóknir
  • 2 Umsóknarfrestur liðinn
  • 3 Mat umsókna í gangi
  • 4 Viðtöl hafin
  • 5 Ráðningu lokið

Umsókn um starfið þarf að fylgja ítarleg starfsferlisskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Umsóknarfrestur er til og með 28. maí 2018

Menntunar- og hæfniskröfur

  • Menntun á sviði matreiðslu nauðsynleg
  • Reynsla af stjórnun eldhúss er æskileg
  • Umsjón með vinnslu matseðla með næringarútreikningum
  • Áhugi á fjölbreyttri og hollri matargerð
  • Góð framkoma og rík þjónustulund
  • Lipurð og sveigjanleiki í samskiptum
  • Snyrtimennska og hreinlæti er skilyrði

Í leikskólanum Bergheimum eru um 90 nemendur og 30 starfsmenn og í Grunnskólanum í Þorlákshöfn eru 230 nemendur og 55 starfsmenn. Eldhúsið er glæsilegt í nýlegri byggingu leikskólans og fullbúið tækjum. Báðir skólarnir eru lifandi og skemmtilegir vinnustaðir sem vinna samkvæmt skólastefnu Ölfuss með einkunnarorðiðn: „Vinátta, Virðing, Velgengni“ og Grænfánastefnu sem gerir þá kröfu að hráefni og nýting matvæla sé í samræmi við stefnuna.

Í Sveitarfélaginu Ölfusi búa yfir 2100 manns í þéttbýli og dreifbýli. Í Þorlákshöfn er aðstaða eins og hún gerist best; góðir skólar, öflugt og fjölbreytt félagslíf og glæsileg íþróttamiðstöð.

Hamingjan er hér!