lock search attention facebook home linkedin twittter

Ekki taka gömlum sannleik sem gefnum. Það þarf kjark til að líta hlutina nýjum augum og fá á þá ferska sýn.

Stjórnandi HönnunarMars

Hönnunarmiðstöð Íslands óskar eftir að ráða skapandi, framsækinn og kraftmikinn einstakling í starf stjórnanda HönnunarMars.

HönnunarMars er hátíð hönnuða og arkitekta haldin í Reykjavík á mörkum veturs og vors, þar sem framsækin hönnun og nýjungar leiða samtal þátttakenda og áhorfenda. HönnunarMars er hreyfiafl sem auðgar og bætir samfélagið, höfn hugmynda, ólíkra sjónarmiða, menningarheima og þekkingar þar sem nýjungar og óvænt nálgun mætist.

Stjórnandi hefur umsjón með og ber ábyrgð á skipulagningu og framkvæmd HönnunarMars í samstarfi við framkvæmdarstjóra Hönnunarmiðstöðvar og stjórn HönnunarMars. Starfið er yfirgrips mikið og krefst góðrar þekkingar á hönnun og arkitektúr, samskiptahæfni, góðrar yfirsýnar og framkomuhæfileika. Stjórnandi mun einnig taka þátt í og hafa umsjón með öðrum verkefnum á vegum Hönnunarmiðstöðvar.

Starfssvið

  • Stýra og halda utan um verkefnið HönnunarMars
  • Dagskrár- og viðburðastjórnun
  • Samskipti og ráðgjöf
  • Kynningaarmál, samskipti við fjölmiðla og fréttaflutningur
  • Gerð markaðs- og kynnningarefnis
  • Fundarstjórn og kynningar

Umsókn

  • 1 Opið fyrir umsóknir
  • 2 Umsóknarfrestur liðinn
  • 3 Mat umsókna í gangi
  • 4 Viðtöl hafin
  • 5 Ráðningu lokið

Menntunar- og hæfniskröfur

  • Frumkvæði, sterk sýn, áræðni og brennandi áhugi á verkefninu.
  • Þekking á hönnun og arkitektúr á Íslandi og erlendis
  • Reynsla af fjármögnun, gerð og umsjón með fjárhagsáætlunum
  • Háskólamenntun eða reynsla sem nýtist í starfinu
  • Þekking og reynsla af verkefnastjórnun / viðburðastjórnun
  • Sjálfstæð vinnubrögð og frammúrskarandi skipulagshæfileikar
  • Tölvu og tæknilæsi
  • Þekking á vefumhverfi og samfélagsmiðlum
  • Góð íslenskukunnátta, enskukunnátta og færni í Norðurlandamáli

Hönnunarmiðstöð Íslands er upplýsinga- og kynningarmiðstöð fyrir íslenska hönnun og arkitektúr á Íslandi og erlendis. Meginhlutverk Hönnunarmiðstöðvar er að efla skilning þjóðarinnar á mikilvægi hönnunar fyrir samfélag, menningu og íslenskt efnahagslíf og benda á þá miklu verðmætasköpun sem getur falist í íslenskri hönnun fyrir þjóðfélagið allt. Hönnunarmiðstöð stuðlar að framgangi íslenskra hönnuða erlendis.

Í Hönnunarmiðstöð starfa 4 starfsmenn auk tímabundinna starfsmanna. Lögð er áhersla á samvinnu, opin samskipti, frumkvæði og gott andrúmsloft. Nánari upplýsingar um starfsemi Hönnunarmiðstöðvar: www.honnunarmidstod.is

Hönnunarmiðstöð Íslands er í eigu Arkitektafélags Íslands, Félags húsgagna- og innanhússarkitekta, Félags íslenskra landslagsarkitekta, Félags vöru- og iðnhönnuða, Leirlistafélags Íslands, Fatahönnunarfélags Íslands, Textílfélagsins, Félags íslenskra gullsmiða og Félags íslenskra teiknara. Hönnunarmiðstöð er rekin fyrir fjárframlög frá Atvinnuvega- og nýsköpunarráðuneyti og Mennta- og menningarmálaráðuneyti.